معاناة طالبة في يوم الجمعـة
مقدمة من : كوتش عيااروو
فيني هم و ضيم و غثه .. لاهو عوار لثه و لا هي حشره عثه ..
شربت من الهم أكواب ووقفت أصرخ على كل باب ..
وين الي يرد الجواب ..
مليت من الدنيا و الناس ..
الكل فيها ما عنده احساس .. و محد خذا منها غير عوار الراس ..
لي متى و احنا نعيش صغار .. نلعب مع دب و نركض ورا فار .. الناس وصلت الأقمار .. و احنا لليحين ندور المحال ..
ما نتغير لو يينا و رحنا .. نصعد ولا ننزل نظل نفس ما احنا ..
و الديره الله بالخير مو قادره تريحنا ..
أيام الدوامات رنه و حنه ..و العطله ما صدقنا قصينا فيزا و انحشنا ..
أشوف الناس حايره .. نصهم نيام و نصهم بالمجمعات دايره ..
و أنا ماسكه الكتاب و ضايعه بين العلوم و الحساب ..
أكتب المسأله و أروح أنقل من رفيجتي الجواب ..
ولما أدش ساعه أبله هناء .. أقول يا ربي ترفعها عندك لي السماء .. ساعه تقولنا اكتبوا الفيرب و ساعه تنقلنا الأسماء ..
ساعتها لوعت جبدي و خربطت مخي ما بين الـ A و الـ D
ما أدري أكشت فيها و أقول عند يدي .. ولا أنثبر فيها و احد ايدي على خدي ..
و نوصل لي الاربعه و الخميس و اليمعه .. و أقول يا ربي لا يعدون بسرعه ..
بروح بيت دلول الإربعه .. و الخميس تحلى عالبحر اليمعه ..
بس يعدي الويك اند و كأن عشناهم بفيو سكند ..
بروح أحل واجباتي قبل لا ييون خوالي و خالاتي ..
و يعدي اليوم و يي وقت النوم و ينعاد الإسبوع من أوله هموووووووووووووووووووم ..
قمـــــــــــــــــــــــــــــــــــــــه يا كوووووووووووووووواش قمـــــــــــــــــــــــــــــــــــــــــــــــــــه
ما شاء الله عليج .. عيني عليج بارده ..
قوافي موزوونــه .. يا بنت " اسم العائله " .. و ربي انتي راعيتهــا
لا عدمنااج يالغلا لا انتي ولا ابداعاااتج .. و أظل اقوول ما شاء الله .. عليـج ..